Mr Steak Buffet a la minute

年初二去 Mr Steak Buffet a la minute 開年 dinner 加幾個＂二月壽星＂的生日飯，本來想 book 北京道一號的食肆，順便可看煙花，誰不知個多月前打電話，那兒的食肆，每間都＂每位計＂，仲要成 $1280  一位（最底消費），唔係誇張，就連裡面某間齋舖都係咁！嘩，８個人食，成萬蚊落樓？！仲貴過一圍酒席！太離譜啦！

講番呢間 buffet，5:15 食到 7:15，有生蠔有刺身有佐賀和牛有長腳蟹有 parma ham，有好多款式芝士，有北海道牛奶布甸，仲攪攪棉花糖，有無數甜品和Ｈ字頭牌子雪糕，淨係食呢Ｄ都好易抵銷條數！（每位三百幾，加一後四百頭）我食了８隻生蠔＋幾碟刺身（居然有海膽添，好新鮮），好飽！

食完家人先回家，一方面開檯，一方面幫姨丈整電腦，我和姐姐到附近 Franc Franc 和 adidas flagship 行逛，之後行至油站就聽到 bom bom 聲，係喎，８點啦喎！我和姐姐急步趨前，那兒沒太多人，好易找到有利位置睇煙花！（本來姐姐諗住跟大隊回家，可是我一間又一間的店舖拉她入去，步出 iT 時已差不多係煙花時間！）無心插柳，有時得著更多！