唔呻唔得

平時做埋晒Ｄ唔係我本份的事又勁包底，加上勁ＯＴ我都算；如今真係低處未算低，一山還有一山高。。。

１）我已請了病假，老闆由早上９點狂打電話俾我叫我一定要番公司。
２）跟完 shooting 已７點，老闆硬要我回公司傾野，原因係佢將要飛。
３）八號風球老闆勁打俾我叫我番公司，話要我整大陸黎緊要攪活動的野，我拒絕！她又係狂打俾我叫我一定要番公司！
４）兩個月前遞假紙，依然唔批！我唔可以放＂自己的假＂！

除了以上４項之外，上星期五，老闆竟然叫我去泰國，為的是要跟印刷的野！她說了３個方案，就係：（１）星期五晚去，星期六即去印刷廠！（２）星期六早機去晚機返，即日來回！（３）星期六去，星期日返！－－佢咁樣喺＂非辦公時間＂叫我去，口口聲聲說唔阻我日常做野，其實變相連我的假日／休息時間都剝削埋！

其實，呢趟去泰國，係因為老闆貪平，唔在香港印唔在大陸印，要泰國印！講真，印刷方面又唔關我事，我又唔識，唔知去黎做乜。。。但佢都硬生叫我去！仲有，近日泰國政局咁樣，仲要員工去？咪玩啦！當下我即刻話，泰國咁樣點去？佢答我：＂驚咩吖，都冇事！＂個秘書仲攪笑，說：＂唔駛驚喎，老闆唔會帶你去邊嘅！驚咩吖！＂講就講得口響，咁你去吖！

老闆再三叫我去泰國，我再說姐姐現在泰國，她說政局好唔穩，仲開槍，有人死！（拍了第一手的照片－－有圖有真相！）。。。老闆聽罷開始支開話題，說落機仲要有一段車程先去到印刷廠，我地去要現場 prove D 顏色，唔好阻印刷／起貨個期云云。。。嘩，昨日已宵禁，就算即日來回，都未必走到，仲未計佢地會封鎖機場！如有危險，保險唔包的！如有危險，係自找的！你又唔係保障我，touch wood 有咩事你又唔會俾安家費我！

一句到尾，好無辜，以及好危險！－－仲要係唔關我事的！為什麼要這樣做？！－－如此的老闆，大家來評下理！如此的公司，仲應唔應該繼續賣命落去呢？