至愛Ｘ２

為了令自己開心，坦白講，時間金錢在所難免！對於我這個＂慳妹＂和＂獨女＂黎講，比著以前要我 weekend 出街真係難過登天（先不要說有冇帶野番屋企 home office）；而家，希望自己睇多Ｄ野，以及分散抑鬱情緒，加上屋企又開檯，喺＂無地自容＂嘅情況下所以我走出街啦！

話明令自己開心，梗係去Ｄ自己鍾意嘅地方，當下我只想到Adidas！（因為 CWB flagship 有大中華區代言人 Eason 個 setting，加埋新 theme，淨係喺門口影 display 都開心死！）我去到喺門口影左幾張相再上去＂巡＂左一陣舖，然後落去下層，我終於見到個超靚 setting 啦！我膽粗粗問個 sales 哥哥可唔可以影相，估唔到佢話得！嘩，正呀！我懶理其他客人眼光就一味自顧影影影，最衰得我一個兼個 sales 哥哥忙緊，如果唔係我會叫佢幫我揸機，咁我就可以喺我２大至愛氛圍下影張＂合照＂了！