超滑絕配──紅豆雙皮奶

沒想過吃甜品可以over $100，我可以親身體驗是因為義順的食物水準的確不俗，尤其是甜品！它的甜品彷彿有種吸引力，令人覺得一碗唔夠喉，食完還想再食、再試多款不同的特色甜品！

紅豆雙皮奶（熱）$24

出乎意料之外的好味！！！雙皮奶本身充滿奶香，唔羶又超滑；紅豆夠甜又稔，紅豆香跟底下的雙皮奶異常合拍，大家絕對不會互嗆味道，簡直給你一個「絕配」的味覺享受！

薑汁撞奶（熱）$24

口感同樣超滑，薑味很夠但未至於辛辣！食畢整個人立刻溫暖過來！

咖啡燉奶（凍）$27

試一啖，咖啡味比我想像中還要濃，加入鮮奶混和，所以效果更滑！

豬扒通粉$28

首先，湯底好夠味，毋須再加胡椒粉和鹽吊味！大大碗，通粉完全入味，質感夠彈牙份量亦夠多！豬扒碎上，煎得香口而不膩，而且肉質夠鬆化！